功利主義型社會（下）

圖片來源：大公報“糖果”泛濫年代，小城土生土長者莫不搖頭嘆息。自從有人身體不適飲左咳藥水繼而誤服可樂後，濫藥習慣迅速向年青一代曼延。從前價貴貨少的可卡因已被冰、藍精靈及K仔等廉價丸仔取代，進一步推向至只有十二三歲的少年群體。據悉丸仔藥性過後上癮反應不如可卡因般強，所以更容易打破一般年青人的心裡關口，誤以為不會上癮。正因丸仔於年青人來說是更“就手”及更“輕鬆”之藥物，因而對其警戒性降低以至輕視其禍害。連嫲嫲都借孫女過橋帶粉帶糖入境，足見社會部份人對其禍害的輕視，以及反影功利主義的橫行。身為嫲嫲於社會多年肯定知道自己所帶之貨為何物，無視禍害只求收錢更甚於當年賣鴉片之洋鬼子。今次被衙差揭發後報稱已年多前開始帶貨，其被利用之孫女大有可能出生不久已被帶往取貨及親眼目睹吸食者的狀況。試想“三歲八十”這古句，孩童於智商發育時期被人帶往毒品交易，對其心智的影響及日後的童年陰影可謂非常嚴重。經濟發達與社會分化，年輕朋輩往往出現貧富差距的物質欺凌，把持不定者淪為帶貨搵快錢換取物質及認同，轉數夠兼膽生毛者直接當拆家搵大錢，以上兩種都冇膽者就借服藥麻醉壓力。衙門打擊毒禍當然責無旁貸，但新型毒品越出越便於收藏、攜帶及運送，被揭發者大只是部份業餘初心者，打擊只能當小小苦楚等於激勵，專業集團依然運作如惜，要從根本的供求定律入手解決求貨一環，就要從價值觀等最基本的地方，教育下一代的自我認同，長輩及社會亦要反思功利主義對庶民全體所帶出的壓力及良知的下降，就算衙門有一天能杜絕毒禍，功利主義型社會一日不改變，小城亦會新問題取毒禍的位置。

回鄉買“糖”（上）

圖片來源: 澳門日報近日新聞紙每天都有“回鄉買糖”人士被捕快拉回衙門消息，最誇張者為嫲嫲拖埋孫女落水做“臨記”，成功混水摸魚入境，但天網灰灰撞正為近期鄰埠回歸而進行之洗太平地行動，可憐手抱咁大之蘇蝦都要入衙門參觀下衙差叔叔點做野，等待屋企人接回家而一頭霧水。

據報嫲嫲實為每天游走兩地之全職“水客”，話明“水客”就梗係幫人帶貨，每日見關員多過見個孫，可能因體力下降唔想用車仔拖貨咁辛苦，今次搵埋孫女幫手做“老臨”無非都係為左搵多D 。據估計每日利用小城居民證經關口進行“補償貿易”人士多達數千人，早被外地遊客籲為小城八大奇景之一。兩地水司不斷改變遊戲規則打擊“補償貿易”，於三不管地帶加設欄杆嚴禁走半程，又實施專用通道指定大體積貿易品過機檢查。當然此等都係道高一尺，“水客”高幾丈。由紅白藍袋到手推車，進化至摺車而最新武器為兩大布袋，每次都以體力汗水換取數十元。但呢位嫲嫲報稱“帶糖”只收“三舊”，回報率之低實在令人費解，原因可能太多人似佢咁業餘性質搵快錢，或者根本有需要人士自己帶都得，而取貨途徑就多到好似“七仔”咁梗有一間係左近。出了事除嫲嫲本人要入大牢之外，係鄉下分分鐘要打把，而且仲要搵埋自己孫女做“老臨”就更無利可圖。嫲嫲今次實在不能以挺而走險來形容，因為都做左成年先被拉，直頭係食過翻尋味，佢會唔會以為自己幾廿歲，官府唔會咁重手判佢坐十年八載？或者係大牢可能仲好食好住有電視睇，唔駛每日日晒雨淋咁拖貨過境咁辛苦？真係唔知呢位嫲嫲諗乜！

「世」界「遺」棄（下）

資料來源：廣東新聞網自從1972年聯合國教科文組織在法國巴黎通過了《保護世界文化和自然遺產公約》，世界各地相繼競逐世遺稱號，誓要最得世遺以證此地有文化或有自然，當然最重要者莫過於取得世遺稱號這金潻招牌，以刺激當地旅遊業之發展。在祖國，列入世界遺產名錄的三十多處風景名勝帶給當地的經濟效益相當可觀，小城亦同樣受惠於申遺成功的效應，配合賭業帶動下旅客突破千萬，雖然當中大部份遊客都會以走馬看花式的到此一遊，但文物本身亦被這每年千萬的遊客產生的垃圾及污染而破壞，附近山頭的停車場開發與舊屋重修，都改變了世遺原意的保護而變成了發財的工具。剛剛祖國再次為開平碉樓成功申遺而興奮的蘇州世遺大會上，世遺委員會指摘，內地政府在遺址周邊興建水壩及水力發電站，嚴重破壞當地自然環境。北京故宮、天壇、頤和園，雲南的麗江古城及西藏的布達拉宮，亦因管理不善遭世遺委員會警告，可能遭撤回世遺名號。世遺名號於我國及小城已相等於七仔，一個就手的發財途徑，在有限的時間內爭取最大的利益，完事後再搵另一個可致富的路徑，變成可用即棄的稱號。相對於祖國的最大競爭者鄰國的日本，可能由於本身遺跡有限，被列世遺的遺跡有著嚴格的保護，附近不能有一般的汽車進入以保護遺物不被廢氣污染及破壞。而小城牌坊每天要忍受祖國同胞的二手煙、旅遊巴的柴油廢氣令牌坊每年的侵蝕、再加上遊客大旺之後廣被入侵的杏仁餅店及牛肉乾店，每天製造的油煙連人都頂唔順，若有機會上牌坊頂聞聞一，相信閣下屋企的垃圾筒都比佢香，申遺容易護遺難，官府有冇諗過不如叫聯合國幫手除名，好過而家冇力做又要被人日日問幾時有外圍緩衝區。

小城「世遺」？（上）

自從早年小城經祖國出手相助成功申遺後，小城庶民終於發現從前的西洋政府每年花費鉅額公款來保護殖民色彩的建築物，終於都可以到這一代有所回報，可能有人奇怪為何當年西洋政府不及早將小城古跡申遺，就可以一早收回些少回報。其實當年的末代政府普遍心態都係唔駛做有錢收，有咁辛苦做資料搜集去申請結果未必一定中，而且回報年期短好快就要交番小城予中國，梗係唔做好過。世遺古跡除了記錄了洋人東來，開埠時間比花旗國獨立還早一陪時間這段歷史，當年小城的原居民所付出的汗水，亦回報了今日當家的小城知府。

而今天每年過千萬的自由旅客來自世界各方及祖國同胞，每天在見證這段歷史的同時，小城同樣面對歷史名城威尼斯同樣的威脅。有專家預測威尼斯再過二百年會沉在海底，可能小城未必會沉落海底，但同樣面對旅客超負荷的問題。威尼斯因遊客過多而陸沉，而小城世遺則可能因遊客過多而被毀滅。據報申遺成功後當地政府必需遵守保護世遺守則，於世遺附近加設外圍緩衝區。為何小城的申遺成功後仍未見府知府為世遺設立外圍緩衝區，反而向庶民及旅客大力推介「世遺景點」，為何世遺變成景點？世遺全名「世界遺產名錄」，即是說這個地方得到世界認同為不可多得的人類文化產物，並非任何政府或機構的私有物件，同時當地政府要為世人努力保護這份人類遺物，即係話被評為世遺的地方該地政府要洗錢做保護而唔係用呢個名黎搵錢。雖則小城仲未衰到要靠世遺直接搵錢，但就利用世遺之名不斷向外推廣小城旅遊，增加其壓力但又不作規管，任由遊人踐踏熱門景點的石台或門牆，就算過後修修補補亦不能找回百多年前的大石補救，官府是否應立刻採取措施管制人流保護遺物呢，否則世遺終有一天會成為真正的世遺：被世界遺棄。

最大客仔的禮物（下）

小城唔夠電係字花檔造成，但在商言商又唔可以怪得佢地，冇番咁上下吸引力又點做生意先？要解決問題當然係要賣電者增加供應啦，但係小城一下子咁多超級建築，要增加供應亦唔係一朝一夕，所以係改善賣電供應之前，衙門叫庶民慳電以減少停電次數。雖然呢過都係方法之一，但係官府唔知有冇計過，其實佢地先係賣電者之最大客仔也。因為小城每支街燈同每個公園、天橋等公共建築之用電都係由官府找數。雖然有官府參與事次節能活動，但係都只係一陣間o既事，長遠黎講管家婆就叫大家唔好開咁勁冷氣，順手閂燈咁上下野。呢一招我阿媽就由細教到我大，毫無新意。其實要節能可以好簡單咁用一D天然能源好似太陽能咁，又唔駛增加賣電負荷又夠環保。尤其是街燈，吾等冇做統計小城有幾多支街燈，幾千支點都有掛？淨係將街燈轉晒用太陽能街燈就可以為小城每年慳番唔少電啦。俗語謂小數怕長計，我又唔信官府冇人知道有呢種產品或者係唔識計呢條數，連吾等市井之徒都知道此等太陽能燈能儲電六天，冇太陽亦可用備用電源。咁點解小城官府一支都冇入貨，淨係入於西洋訂貨之貴價藝術燈呢？除左枝藝術燈樣靚身裁正之外，梗係每年都要找番咁多度電比賣電者也！其實小城都有部份公共空間有環保節能設備如文化中心，佢地部電梯同走廊燈都係有人走過才會運作，平時都係備用狀態。所以官府在冇計時只有向庶民埋手叫你地慳電，佢係唔會做，唔係點樣保證專營者之利潤呢？仲借機搞什麼能源效益標簽意圖轉移視線，多此一舉仲擾民，正一冇野搵野黎做未開波都已經被業界插到一幢都冇。

小城唔夠電（上）

圖片來源：GDSE最近衙門宣揚節能運動，叫各大商號及庶民一齊閂燈五分鐘，搞到自由同胞以為連小城主打都冇電，差D去燒毀腦投訴旅行團冇小城夜景睇。回顧呢次活動參與者除了幾大字花檔同官府衙門大樓外，幾條橋就熄左部份只有裝飾功能之照明，庶民參與寥寥可數。呢次官府咁高調宣揚節能，係希望庶民慳電唔好咁浪費。事實上庶民比官府更清楚節能之重要性，皆因全部都要自已pay，而且呢期專營公司之燃油附費好似過山車時上時落，但都係升得快跌得慢，自然唔會亂用電。咁點解仲要叫庶民再用少D電呢？唯一解釋就係小城根本唔夠電。何解？只要閣下回顧呢幾個月之新聞紙，至少有幾日頭條都係話邊度邊度停電，仲要被批好似番左去七十年代的第三世界狀態。雖然話近年小城經濟好轉，庶民改善生活必然用多左電器同埋電，但都冇理由增加得咁多，莫非真係家中所有電器都二十四小時用緊？一D都唔記得閂？我相信幾浪費之屋企都唔會有人冇人都開住電視掛？唯一可能者就只有監控系統之閉路電視，而全城最大之閉路電視系統就梗係字花檔內之系統也。而小城之唔夠電亦都因為幾大字花檔鬥法所致。以往專營字花檔時期只有一兩檔字花會係門口招牌砌個光管牌，花費電力又不算太大。依家新開的幾檔唔只有門口光管牌，仲張成幢客棧用燈包起，慌死衛星太空站之太空人認唔倒佢地間字花檔，未來幾年仲有離島幾間世紀字花城陸續落成，若果專營電公司都仲係咁搞落去，到時庶民連電冰箱都可能要隔日先開一次，全體回鄉退隱接受定時供電之習慣。