小城將會冇打工仔（下）

圖片來源：東方日報
鄰埠剛剛選完「垃圾會」，商界政黨幾乎全軍盡墨，除左證明商人不被庶民信任之外，重要嘅喺商人仍然以高高在上嘅態度去面對平民百姓，咁又點會有所溝通呢？同樣地小城嘅商人、連商會嘅代表都有著一樣的心態，對於市民要求限制外地僱員輸入的態度以一種挑戰的態度，向市民甚至官府施壓「邊個夠膽講需要幾多工人先至夠」，間接指限制輸入外地僱員沒有科學根據。從來老闆與打工仔都是唇齒相依，邊個都唔可以冇左對方，雙方關係常常都因為經濟變化而互有高低，但一直以來都是老闆作為控制者角色，對手下員工都是以指導甚至發號司令的角色，只是近年小城開放龍頭產業引發轉工潮，而傳統企業尤其是小企都抵不住人資高企的局面紛紛要求官府放寬輸入外僱。只是真正的外僱額大都落入大中型企業手中，一般小企只能取得一個半個人手幫忙，而且當外僱適應小城工作之後，就可以選擇轉去有更高人工及工資更多的大企，結局喺輸入幾多外僱外勞都保唔倒小企之經營困難，最後摺埋收場喺必然嘅事。咁商界代表所指嘅「邊個夠膽講需要幾多工人先至夠」，即喺話入幾多都唔夠咁解，咁其實喺唔喺應該自我檢討下呢？小城商人大部分都有種自悲心態，例如唔夠外資咁多錢、唔夠實力同管理方式就唔夠人爭，大老闆叫商家們走出去結果喺同老闆一齊遊番轉大花園，呢種左驚右驚心態令小城可以與國際接軌之企業近乎零。這種態度令小城企業根本唔會有所改善同上進，在競爭激烈的市場中，商人只懂向官府提出傾斜政策，從來都唔會自省一下如何改善自身營商環境、管理模式、增加競爭力。又或者過去幾百年小城商家一直只不過喺食緊太爺老本，根本都冇用過個腦去經營盤生意，但喺就只懂識得叫官府開放人力市場，咁就不如摺埋好過啦！

小城將會冇打工仔（上）

圖片來源：澳門日報
某商會代表於出席一場合中表示，小城外僱不應設上限，其理據非常簡單，就喺咁依講句“今時今日根本冇人夠膽講小城需要幾多工人，就算喺同一行業，唔同檔次之企業，所需工人數量都唔一樣”。呢位商界代表之理據果然十分利害，冇人講得出需要幾多先至夠，意思即喺入到飽為止。等於同商人講賺錢要賺幾多至叫做夠一樣，錢！邊度有人嫌多？估唔到商會代表可以用「咁高嘅智慧」去支持無限制輸入外勞。 當然啦！按照商界邏輯乜都要多，人手多、客人多、商品服務多、自然就銀紙賺得多，邊度需要限制呢，你限制咪即喺阻我搵更多嘅錢！？如果勞工界都按照同樣邏輯思考，即喺大公司要多、職位多、工種多、福利多、假期多、人工當然喺要多啦！另外該商界代表更指出除非有很好嘅科學根據，否則唔應該設上限或比例去限制。咁唔知上面嘅勞工界邏輯又夠唔夠科學根據呢？若果唔夠科學，咁呢位代表又夠竟有乜野科學根據，要官府唔好限制外僱嘅輸入呢？原本商界推行輸入外勞，本身在界別立場上沒有錯，但喺呢位代表竟然喺外僱突破十萬嘅今日，表示官府唔應該對外僱的引入作出限制，仲表示勞動力數字大唔喺問題。梗喺啦！商界可以唔駛搞咁多員工福利、老闆又可以唔駛改善職場環境、做零售嘅可以連收銀機都唔駛用，幾十個工人一齊收錢，只要人工可以乎合成本就請到夠，同時可以免去防盜設備，搵多幾個人幫手企喺度做「實Q」，得閒又可以捉黎幫下手入膠袋、搬下貨咁，甚至可以幫同事買飯盒都得。咁就梗喺唔成問題啦，仲非常理想添！原來做老闆喺可以咁簡單，咁邊個會去打工？

賊母子與搶錢家族

圖片來源：澳門日報
小城早前發生阿仔打劫得手後，阿媽將贓物的存摺及身分證去銀行提取受害人的款項時斷正，因而揭發這對賊母子的犯罪手法。茶餐廳當然係一面倒鬧個阿媽唔識教仔不特止，仲教埋佢去打劫、跟住自己再去搏矇想再偷多筆，直情係價值觀崩壞的典範，究竟呢對母子知唔知乜嘢係啱同錯？呢個世界究竟又已經變成點？但係睇真啲呢對母子，個仔都有番咁上下年紀，可以出去打劫人仲成功逃脫，其智慧、能力及膽色都有番咁上下，根本就有能力及智商去分析對與錯，如果真係咁聽教聽話又未必會去打劫咁大膽，當中對錯及犯案背景都要留待警方調查才可知道。
圖片來源：北湖新聞但係無獨有偶，對岸的前「總統家庭」的洗錢風波就越鬧越大，「搶錢家族」的行為直頭令世界震驚，連一向沒甚邦交的外國之金融機構，當發現有不尋常嘅資金流向，為了國際安全亦立刻向當時的執法當局作出通報。只不過前「總統」未落台前就有免死金牌，可謂隻手遮天乜人都冇佢符。但係一落台後司法同執法機關即刻大舉深入調查，之前曾被打壓的媒體更相繼向調查當局通風報訊，令過去一直被埋藏的絕密資料一一曝光，執法機關更一度發出通緝令緝拿涉案人士，而相信當絕密資料的不斷曝光下，現在被發掘出的貪污數字估計只不過是冰山一角，世人驚訝其「搶錢絕技」可謂極其滲透，據報已被列作「被告」的前「總統」、夫人及其子女擁有超過一百個戶口，地點更遍及世界六大洲，總金額億億聲，就算佢最後在法律面前無罪，民眾都只會怪呢個家族太懂得利用法律的漏洞，後悔當初選投這個最高級嘅騙子，而我哋則慨嘆由平民到「總統」都可以不擇手段地搶錢。

「水上飛機」又出事

圖片來源：星島日報
上個禮拜再次發生「黃金船隊」撞沉內地機動舢舨，釀成一死兩傷的意外，至今當然唔會咁快有意外報告，但係「黃金船隊」及「土產飛航」接連發生的意外值得官府關注。由於出事現場水域接近小城一方，小城海關迅速派員前往營救，可惜舢舨船主最後返魂乏術。而出事的快速航道於年頭亦發生重大事故，兩艘同屬「土產飛航」的兄弟船亦於上述水道相撞造成百多人受傷。原本小城對於管理快速航道的經驗十分豐富，可說世界少有的經驗者之一，無他者小城早於上世紀七十年代，就擁有十多艘此種世上高速噴射船船隊，論其管理及維修保養可說是經驗老到。而同樣地戶籍屬於小城或鄰近地區的老漁民或船主船員，都對這種「水上飛機」見慣見熟，一直都知道如何與之共同相處，再加上近年先進的航行設備，各種雷達及衛星定位、通訊器材等的完備，點講都唔容易發生撞船意外。但點解近年經常發生撞船意外仲死埋人添？！歸根究柢小城經濟的高速發展，與鄰埠設定的這條高速水道經已變得十分繁忙，高速水道上充斥著各種工程船、「三無船」、「唔識死嘅新牌漁船」，連垃圾船都有，令本來甚安全的航道變得複雜多變，考驗船長的經驗及反應，加上近年來往兩地以至其他口岸的船公司、航班都相繼增加，航道負荷之大與十數年前已相差甚遠，基本上與小城的陸上交通一樣得個亂字。但係快船唔同快車，冇得剎掣唔可以話停就停，加上「水上飛機」動輒百多人一齊坐，撞起上嚟可以講係災難性。雖然小城冇專屬海域權，但係官府都應該同內地有關部門協商，如何管理這條「龍頭產業的專屬經濟水道」，增加其安全性以保旅客安全。

閒話家常「京奧運」之京牛黨與劉翔

圖片來源：中體在線圖庫
總結「京奧運」最令國人震驚的事件，必數「風之子」劉翔的陣前退賽。自從上屆的突然爆冷奪取金牌，兩年後再破世界紀錄向全世界證明取牌實至名歸。於十三億人民心中，劉翔已成神話般的存在，而頭腦轉數比美法拉利還快的京牛黨自然一早入定門票，準備讓一眾早已富起來的「暴發戶」來個一擲千金。結果如何大家都十分清楚，不過若你們認為京牛黨傷得更甚於劉翔就大錯特錯，因為劉翔堅持到最後一刻才決定放棄。百一欄決賽之門券其實早就轉了不知幾多手，而他們大多數已於開閉幕式的門券上獲利甚豐，最終於他們來說只不過多了一張「超值」的紀念門票。因為開閉幕式門票去到萬萬聲，直頭天文數字，一場跨欄決賽門票絕對唔會入肉。但劉翔之陣前退賽為國人做了一個十分好的榜樣，就是叫大家唔好因為十幾秒就花幾千蚊買張入場券，金牌嘅意義並唔係咁樣，同時希望各位正視運動員所付出，真正了解何謂體育精神。正如杜麗失落第一金後經歷了五天的地獄生涯，最終再吐氣揚眉。這正正代表國人扭曲的金牌價值觀，事實上是次奧運出現大量外國兵團和前國手的外國教練，過往就曾經發生這些代表外國的前國手出戰奧運，與國軍對賽時被人罵成賣國賊，一種比日本更島國的島國心態。到了今時今日自家辦奧運後，才能第一次了解奧運真正的意義，我們祈望藉著今次奧運，推動國民放開眼光，與世界增進交流，真正從人民角度與世界接軌，承認自己並非現代的江湖盟主，更加虛心地向各國學習應該如何做好真正的世界大國。

閒話家常「京奧運」之LED

圖片來源：陳夢凡
終於，影響著數十億人的「京奧運」正式完結，乜人都講兩咀奧運賽事，由金牌數字到技術層面、由開幕式閉幕禮到奧運夠唔夠環保，成間茶餐廳都有人討論，梗係啦，唔理你有冇高清，呢半個月以來基本上都冇乜選擇，唯有參與其中，先至有群眾話題。其中議論最多者莫過於張大導主理之開幕式，部分人覺得好靚好有氣勢，有序地概括祖國數千年歷史的科技發展。有人又話張大導淨係識得恃人多，仲用幾廿年前橋吊威也，主題仍然不改四大發明五千年歷史，一啲新意都冇咁話。姑勿論大家角度如何，在開閉幕式中，最大贏家必數燈光組及我國的LED工業。開閉幕式中，祖國大型表演項目的千人操、煙火效果以至吊威也效果，大家都由細睇到大健康又愉快，數最令人眼前一亮的，當然係地面上兩台巨型的LED屏幕，配合以燈泡組合成的奧運五光環，乍看像熒幕效果後，整個發光五環徐徐地從地面升起，導演巧妙地利用視覺效果，把整個開幕禮的主體象徵向觀眾展示。當然不得不提另一個最大道具「發光卷軸」，由兩台圓柱型的LED屏幕配合地面的平面熒幕，利用預製的錄影片段加上地面、天空中的表演，立體地向觀眾闡述祖國過去的輝煌歷史及人民文化。另外多個表演例如「人造鳥巢」疊羅漢中，表演者身穿的發光衣服，發光的缶陣為大家倒數開幕式，當然還包括擊缶者手持的棒及按壓力作燈光開關的缶面，以上種種都為大家展現出LED不同的面貌，導演努力地發掘LED的多樣性，至使傳統的表現方式有著不同的效果，亦令古老的表演有了一層新的包裝。

天與地的表現（下）

圖片來源：中體在線圖庫
相比國籃的備受加許，國足隊的表現實在令人氣憤，我只能用「不學無術」來形容這班代表國家的奧運足球隊。雖然咁唔好彩佢哋同國籃一樣同被編在死亡之組，同樣要面對世界足球的頂級隊伍，大家亦清楚知道如果唔係今次奧運係主場舉辦，免了大家打外圍的資格賽，可能國足與國籃都無緣亮相奧運周，這種情況下，國籃把握了向民眾表現自己的機會，在僅有的場數中盡力演出，打出風格打出水準，但國足隊則選了另一種方式回報國家的栽培。眾所周知國家為了是次奧運花盡人力物力，準備經年。除了籌備舉辦之外對於運動員的培訓一直都是國家建設的重點工程之一，有報道指國家為了培訓國足隊，過去數年已花費了超過一千萬美元，包括大牌教練的費用，協官員各種的出差、考察等費用，出外十多個國家的集訓、友誼賽的開支及獎金等。當然巴西隊中的一位球星的轉會費亦不止這個數目，但培訓的開支並不是要球員學習在比賽中侵犯對手、粗暴的攔截、野蠻地比賽。經過過去數年出外集訓及比賽中發生的不愉快事件，國足隊似乎仍未汲取教訓，少爺兵脾氣未減之餘，足球技術與體能上同樣沒有進步，反而唔夠人打發爛渣嘅技術就進步唔少，搞到最後面對巴西強隊一場戰役，竟然因隊員黃紅牌太多而隊不成隊，大部分主力球員都因為要坐波監而被罰停賽，就算送埋個世界最頂尖教練俾你，都唔可能幫到你殺入四強。電視評述員在賽前亦清楚指出，輸波乃必然結果，只要大家能打出應有的水平，認真面對賽事做好自己，結果如何大家都必會體諒技不如人，觀眾並不希望見到輸了技術亦輸埋品格的冇品賽事。

天與地的表現（上）

圖片來源：中體在線圖庫
過了兩星期的奧運月，雖然執筆之時仍未完全結束，但都需要開始賽後報告及檢討。執筆之時中國金牌榜仍然是四十六枚，相信奧運結束時應該可以到五十面，但已經有媒體開始買單計數，講緊大家點計獎牌榜。有人計金牌多少，有人計獎牌合計數量，不過都冇乜所謂，最緊要是大家個成績都有所進步，咁先至係體驗奧運精神，人類可以更高更強。不過呢個更高更強，我認為唔係指體能或技術，應該是指精神面貌至真。可能大家都會把注意力集中於金牌數字、劉翔退出、跳水隊或者乒乓球隊成功將比賽項目變為國家表演示範項目。但我就比較關心國家代表的精神面貌有冇進步到。最值得欣賞嘅係國家男子籃球隊嘅表現，大家可能會話男子籃球隊連四強都入唔到，點解值得欣賞？但大家唔好唔記得，國籃抽籤進入了死亡之組，第一場對手就係全球籃壇最高身價嘅花旗夢幻八隊，輸就預咗，就算國隊中都不乏NBA參戰的明星球員，不過都唔代表與對手有著同一水平，但係國隊在明知雙方實力有一段差距的情況下，仍然堅持打出自己的水平，在一致睇淡的情況下把雙方差距縮短至三十一分完場。切切實實地發揮自己的水平，而部分起帶頭作用的名將更成功引領隊中小將，面對強敵毫不懼怕，甚至打出超水準的表現，雖然結果都是不敵超級強隊，但精神不敗才是體育運動的最終目標，重重地掌擱了一班只顧計算金牌榮耀的官僚，在外國元首面前打了一場爭氣波，就算敗陣亦沒有令人感到放軟手腳，真正使到了雖敗猶榮，獲得國民一致讚許。