天災引出的人禍（下）

是次世紀災難中，最觸目驚心的影像莫過於學校的倒塌。傳媒鏡頭每每以最多時間播放搶救人員在倒塌後的學校搶救小孩，同時亦公佈受災地區有多達千多二千所小學及中學，這些都是國家未來的主人在假期後第一天的學堂中，面對人類最大的災難之一，當中不少教員表現出捨己救人的精神，以自己的身軀去保護未來主人的小伙子，而國家建設部在新聞發佈會中更指出，如發現當地學校的建設有偷工減料的情況必定嚴肅處理，群眾不禁問為何每每災難發生後，人才會重新檢討過去的疏忽？當一幕幕救援隊伍救出小孩的同時，令人反省何解每次出事都要勞煩溫總親自出動，親自作出指揮救援的工作。而更甚的是建築安全的水準今天已可抵擋十分大的天然災害，何解依然在集中了未來社會棟樑的學校中發生整幢倒塌的災難？而事實上受災的都江堰地區並非十分貧乏的窮鄉僻壤，而是旅遊業有著適度發展的景點地區，而附近亦有不少大型的水利建設及核實驗室等，卻偏偏重要的生命財產被輕視，海外及港澳兩地人士不時捐款建校，不時為山區貧地籌建學校，為國家的下一代製造更佳的教育條件，而國內的一孩政策更令父母們對下一代的各樣條件創造投放大量資源。可惜當中的利益關係者把大部分人重視的生命放在一旁，儘管國家地震局最新修訂震度為八級，標誌著是次災難為建國以來之最，同時亦表示大部分的建築物將會被破壞。但若是校舍的建造能重視大部分人的意願，相信遇難及傷亡的學生人數將會大大減低，亦可減低對國家未來的創傷。

天妒國民

正當祖國正要強大起來，正要通過舉辦奧運向世界各國展示新中國的時候，天妒國民。由年初寒冬襲華南，溫總多次出現於救災搶險場面後，不到四個月溫總再次要為民救災，面對危在旦夕的四川災民，溫總的痛心，痛在全國國民的心內。而且災難比多年前的唐山大地震更大，每日傳媒深入災難現場，在世人面前展現每段悲慘的片段，亦展示了救災軍民日夜不停地展開救援工作。因為今天傳媒的發達，令到全世界都能第一時間目睹災難現場發生的每分每秒，自然更令全體電視觀眾更加身同感受。除了全球華人都展開了募捐賑災的行動，連海外各國以及對岸的政府都對受災地區伸出救援之手，大家都把不同的政治企圖放在一邊，回歸人道立場，甚至連一向不太咬弦的羅馬教庭都研究方法向災區支援。簡單地上網搜尋一下都知道，「都江堰」山水秀麗，風景優美，連大熊貓的生息及保育地都在震央附近，亦正因山勢險峻的獨特地形，令救援更加困難。慶幸的是祖國已不像當年唐山大地震般的貧乏，救援物資、人員、以至對受災地區搶救的質量都有著長足的進步，雖然到今天仍然未知這次災難最終的死亡數字，但是今天的災難已不可與當日唐山的大地震相比，今日的災區地勢比唐山更險要，蜀道之難可抵擋古時的楚霸王及當年的日本皇軍，託今天科技的進步，我們可以利用衛星圖片去分析災區的狀況從而作出較佳的救援方式，亦可以通過快速的視頻影像了解當地的災情，多謝訊息的流通可以令有能力的人士清楚災區的情況，迅速到達災區作出有效的救援。祈望受災地區的災民能早日收拾心情重建家園，亦祈望災區的死傷數字不要再上升。

幾時至會反省？（下）

這邊廂，城中有人發起捐出官府派出的錢以助低下階層，儘管不同人有不同的使用方式，知縣一早就明言閣下點使係閣下口既自由，冇人會阻你亦唔會有感想，所以電視台記者問咗一個十分無謂口既問題。另一邊廂，緬甸風災據報死成十萬人，緬甸華僑在小城亦為數不少，呢次官府卻又未有即時反應，民間同紅會都發起募捐行動，官府係唔係都應該有啲表示？唔使你俾廿億人哋救災，祖國講緊捐幾百萬美金，官府捐回一二百萬賭稅點都應該掛？而且官府更可以帶頭呼籲市民一齊捐出原本諗住「還富於民」口既五千蚊，一來可以平息部份內部對呢五千蚊口既爭議，又可以向國際社會表現出人道形象，封住部份有心傳媒的那句「財大氣粗」，更重要係做回個負責任口既政府，一氣扭轉過去幾年鄰近外地對小城的負面感覺，就係小城一味靠賣賭引致外地問題賭徒的不斷出現。官府可以藉著向鄰近地區的援助救災，樹立責任賭博的管理者角色，逐步改善小城的國際形象，加強對鄰近地區的協助及合作，利用今次災難作為切入點，加大與鄰近地區的福祉合作而並非單單經濟合作，只會講錢咁市儈。況且使費唔高，就算鄰近地區唔會即刻對小城改觀，至少可挽回庶民對官府唔少分數，計落都有賺。但點解咁識計數之官府今番竟然連咁簡單口既門面功夫都諗唔到呢？莫非包裝術對官府嚟講真係死穴？雖然小城都有不少國際機構都出面呼籲市民捐款脤災，但係到今時今日官府都仲係一啲表示都冇，如果錯過咗今次翻身口既機會，唔通真係要死更多人至識得主動啲表示自己口既心意咩！官府幾時至會反省下？

幾時至會反省？（上）

今時今日已經冇人問點樣用官府派嘅幾千銀，反而係睇外地媒體嘅反應就仲加好睇。官府公佈當天，鄰埠電子傳媒已經有主播羡慕到開晒口咁滯，仲列舉小城GDP幾高派回一些俾庶民「還富於民」咁解。當然第二日就更加厲害，鄰埠某星球報更以「仁心仁德」來形容小城知縣，話官府大老爺體諒小城高通脹下庶民生活，派錢幫助全體共渡時艱咁話。不過，呢啲都係純粹個人意見，並不代表庶民立場。但係又有雜誌以小城財大氣粗做標題，表示官府派錢惹爭議。雖然官府派錢政策真係備受爭議，但用到財大氣粗來形容官府嘅政策，相信只有係鄰埠「食唔到嘅葡萄」心態先至會有咁嘅表達方式。事實上今次官府派錢除了令小城引起爭議，又引起鄰埠人們眼紅，更有內地人士要求內地官府參考小城的派錢方式，幫助內地減低通脹壓力。唔通大家真係覺得小城作出呢啲咁出位嘅政策就係好事？係唔係好事日後自然有所分曉，不過知縣宣佈政策之後，惹來小城內外咁大嘅反響，又究竟係唔係佢預料之內呢？自己又有冇反省過呢？
　自從政策宣佈至今小城內部意見不一，部份人覺得政策有唔少副作用，擔心當政策出台後有機會引發的新問題。包括通脹不跌反升、親子爭執、供應貨幣緊張等，甚至有人預計小城有三成人於收錢後立即出埠旅行。但係唔怕同大家講，根本唔使等收到錢，過去呢半個月已經發生緊大家擔心嘅問題。阿仔已經同老豆講，你買咗部PSP俾我先啦，等政府錢一到就即刻還俾你。同一時間有人估到暑假有好多人會報團去旅行，為免到時爭唔到想報嘅團，一早已經同定旅行社講定訂團位兼請定假。咁唔使講要買名牌人士自然更加會用張卡即刻出咗貨威咗先，最多俾少少息就包保買到心頭好，反正一定有筆樣財到手，使定先咪走雞，如果到時冇錢到手咪又上街示威囉。

「聖火」同「有火」（上）

今年為咗祖國百年大事「奧運」，小城所有單位都嚴陣以待，官方單位自然重裝戒備，動用二千多警力保護「聖火」的運送。而民間團體都為咗支持祖國，或者係唔多想得罪全世界幾十億人，都紛紛舉辦支持奧運嘅活動，或者係取消部份唔多老嚟嘅示威遊行以表心意。但係點解今年無端端變咗做「聖火」而唔係大家一直叫開嘅「火炬」？不過冇乜所謂啦，都係中國人自己鍾意改變叫法，點叫都唔會改變呢枝火棒嘅意義，等同有人硬把奧運增加其他唔同嘅意思一樣。不過當聖火未到小城前，庶民就首先點起把火。理得你要唔要和諧迎奧運，庶民以個人名義申請遊行表達意願，全程和平進行，亦唔似鄰埠咁有心引起衝突的團體，硬要喺大部分人慶祝嘅時間增加收視率搶鏡，連茶餐廳都估唔到竟然都有成千人上街支持。一直以來茶餐廳庶民都話緊，過埋Ｏ八同埋Ｏ九年熱戀期後，小城嘅熱熾經濟將會成為過去，無乜嘢再支持小城嘅經濟，不會好似今天咁周圍都唔夠人用。咁呢班人點解仲要上街？咪就係個市咁旺呢班人都唔能夠享受到經濟發展成果，再加上經濟暢旺下的高通脹當然係全城都受害。就算任何唔同級數嘅盛事，都阻唔到佢哋表達個人訴求嘅意願。大家都十分感動呢次庶民嘅「個人遊」可以有成千人去支持同埋表達心聲，表現到漁村庶民能夠有安定同成熟嘅人文意識，令各地嘅傳媒都唔能夠唔同意，小城庶民真正成熟起來，比其他只求爭取收視、不求後果嘅團體對小城有用得多，至少可以喺大家歡慶嘅時候給大家一刻冷靜分析嘅機會。

松山景觀看官府（下）

今次官府提出的世遺視覺走廊作出規範所制訂的行政法規，其實就等如我哋庶民看官府政策一樣，只不過得幾條門縫可作窺視，要一窺全貌根本冇乜可能。近日官府不斷派錢，可能以防又到「五一」再次有幾千人上街，打擊官府威信。不過若果真係根本就冇人有現任官府口既符，咁點解官府要做呢啲門面功夫呢？事實上，小城最高權力機關並唔係小城而係京城，每年知縣都有幾次面對京城最高領導面授機宜，而京城領導亦對小城事物掌握得十分透徹，但係礙於要向國際展示小城口既一國兩制，所以不宜對小城官府指指點點，但係如果當小城搞到滿城風雨口既時候京官自然唔出聲唔得。難怪近年京城官員民望一日比一日高，但係官府民望就每創新低，呢啲咁唔同口既待遇並唔係小城庶民大細超，而係官府管理混亂，遇到出事就搵京官幫手，這些所有舉措小城庶民當然一一看在眼裡，知道邊個做得好邊個做得唔好。我哋當然十分高興被人管咗幾百年，今天終於可以由自己人當家作主自己管自己，但係經歷呢幾年咁多風風雨雨，搞到自己人口既官府民望插水，都係他們自己一手造成，而且更重要口既係，當未出事時庶民發現有問題，卻又無從向官府進言，而官府又覺得自己一定啱，唔當庶民係一回事，到最後出事時就怪責庶民唔理解官府口既決定。不過到今日官府似乎仲未有所覺悟，除依舊閉門造車黑箱作業外，仲依舊使出過去幾年被人垢弊的派糖、派止痛餅，今次再變本加厲，竟然唔用腦到直接派錢，究竟我哋可以點樣對呢個官府仲有所期待呢？

松山景觀看官府（上）

官府終於以行政手段決定東望洋山的輪廓線，以確保世遺景觀不受城市發展之影響。市民經過一段時間的申訴、抗爭、以至最後去信聯合國，成功令世界關注小城保護世遺的進度，國家文化局直接把聯合國表示關注的信件轉發予小城知縣，以警告官府必須清楚問題的重要性，此乃京官首次放棄對小城採用「閉門教仔」的管治手法，可想而知其嚴重性不能以國內問題去處理，是一個真正的世界文化的問題。小城官府一直以來都係保留住漁村打工仔心態──小做小錯唔做唔錯，根本就冇諗過要做什麼管理，以為只要申請成功，就一世唔憂，冇諗過原來想掛個名竟然係要做餐死，之後仲要有排泵水去維繫、要保育、要管理、要有政策去維持申請成功後文物的可持續發展，唔係你想點就點，係要遵守國際公認的保護守則，才能被世界認同此地真正擁有值得世界人民珍惜的文化遺產。但係既然保留小城民風，就更應該保護維繫小城民風的集體回憶，除了世遺之外小城根本要保護的事物可謂不少，因為小城傳統的價值觀正是支撐官府到今時今日的力量，當今官員一直認為只有考上高職而又懂得官場智慧，受到上司的賞識就是自己成為出色官員的能力，完全無視對市民的應有態度，亦把官府與庶民的關係完全反轉。但隻難怪佢哋有咁嘅心態，因為請佢哋打工嘅係官府，而官府最大嗰位知縣又授權佢哋去請人，而知縣只不過係由三百人選出嚟再由京官任命，可以講同庶民甚至「垃圾會」完全冇直接關係，咁唔怪得某局長被問及有冇法子處理部份冇作為之官員時，竟然答係由知縣請佢哋，佢哋要交代嘅老闆只有一個，結果就連垃圾會主席都被佢吹到啤一聲，即係話根本就冇人有佢哋符。

冇啖好食（下）

由食米危機演變成全球糧食危機，當中大部份人都歸究全球氣候變化令農產品失收，引致食品供應不足。但係糧食價格口既升幅則唔單止係供應不足咁簡單，當中包含個人囤積及集體囤積等操控價格手段，再加上新科技的改變使食品作為能源，更加推高農民改種高增值的農作物而形成傾斜的食物供應。但係世界咁多種人，大家都有唔同口既飲食習慣，食品產地亦有不同。單以中國為例，南方人主食為大米，北方則以小麥為主，原本相安無事。但當一方出現短缺口既時候，自然就會改食其他可代替的糧食。結果大米、小麥、玉米、大豆等相關主要糧食齊齊出現唔夠貨口既現象，形成全球食品價格趨升之勢。由於人類的食物鍊一環扣一環，任何一環出現問題都會影響其他的食物供給。今天記者們在總理出訪時追問總理確保自家的糧食供應，但又有冇諗過當祖國承諾確保供應的同時，國內有幾多同胞受著食品價格高升的壓力？雞豬牛供應緊張的時期，庶民都抗議供應商操控價值，但係大家有冇諗過農民根本唔願意賣貨到小城？因為內部供應價格都比小城代理商出手高，你叫佢哋點樣賣俾小城？但係當小城收貨時竟然貨價仲比鄰埠貴，咁中間代理商究竟有幾多利潤大家可想而知。外圍的大環境小城自然冇能力去改變，但係只要官府打破國內食品供應的壟斷局面，設定標準的進口規格，讓所有人都能依法按規定到不同地區甚至海外進口食品，以市場的力量平衡食品價格，增加食品的多樣性，方能保障主要食品價格不會被無良商人所操控而引致社會動盪，搞到全體庶民冇啖好食。