閒話家常「京奧運」之京牛黨與劉翔

圖片來源：中體在線圖庫
總結「京奧運」最令國人震驚的事件，必數「風之子」劉翔的陣前退賽。自從上屆的突然爆冷奪取金牌，兩年後再破世界紀錄向全世界證明取牌實至名歸。於十三億人民心中，劉翔已成神話般的存在，而頭腦轉數比美法拉利還快的京牛黨自然一早入定門票，準備讓一眾早已富起來的「暴發戶」來個一擲千金。結果如何大家都十分清楚，不過若你們認為京牛黨傷得更甚於劉翔就大錯特錯，因為劉翔堅持到最後一刻才決定放棄。百一欄決賽之門券其實早就轉了不知幾多手，而他們大多數已於開閉幕式的門券上獲利甚豐，最終於他們來說只不過多了一張「超值」的紀念門票。因為開閉幕式門票去到萬萬聲，直頭天文數字，一場跨欄決賽門票絕對唔會入肉。但劉翔之陣前退賽為國人做了一個十分好的榜樣，就是叫大家唔好因為十幾秒就花幾千蚊買張入場券，金牌嘅意義並唔係咁樣，同時希望各位正視運動員所付出，真正了解何謂體育精神。正如杜麗失落第一金後經歷了五天的地獄生涯，最終再吐氣揚眉。這正正代表國人扭曲的金牌價值觀，事實上是次奧運出現大量外國兵團和前國手的外國教練，過往就曾經發生這些代表外國的前國手出戰奧運，與國軍對賽時被人罵成賣國賊，一種比日本更島國的島國心態。到了今時今日自家辦奧運後，才能第一次了解奧運真正的意義，我們祈望藉著今次奧運，推動國民放開眼光，與世界增進交流，真正從人民角度與世界接軌，承認自己並非現代的江湖盟主，更加虛心地向各國學習應該如何做好真正的世界大國。

閒話家常「京奧運」之LED

圖片來源：陳夢凡
終於，影響著數十億人的「京奧運」正式完結，乜人都講兩咀奧運賽事，由金牌數字到技術層面、由開幕式閉幕禮到奧運夠唔夠環保，成間茶餐廳都有人討論，梗係啦，唔理你有冇高清，呢半個月以來基本上都冇乜選擇，唯有參與其中，先至有群眾話題。其中議論最多者莫過於張大導主理之開幕式，部分人覺得好靚好有氣勢，有序地概括祖國數千年歷史的科技發展。有人又話張大導淨係識得恃人多，仲用幾廿年前橋吊威也，主題仍然不改四大發明五千年歷史，一啲新意都冇咁話。姑勿論大家角度如何，在開閉幕式中，最大贏家必數燈光組及我國的LED工業。開閉幕式中，祖國大型表演項目的千人操、煙火效果以至吊威也效果，大家都由細睇到大健康又愉快，數最令人眼前一亮的，當然係地面上兩台巨型的LED屏幕，配合以燈泡組合成的奧運五光環，乍看像熒幕效果後，整個發光五環徐徐地從地面升起，導演巧妙地利用視覺效果，把整個開幕禮的主體象徵向觀眾展示。當然不得不提另一個最大道具「發光卷軸」，由兩台圓柱型的LED屏幕配合地面的平面熒幕，利用預製的錄影片段加上地面、天空中的表演，立體地向觀眾闡述祖國過去的輝煌歷史及人民文化。另外多個表演例如「人造鳥巢」疊羅漢中，表演者身穿的發光衣服，發光的缶陣為大家倒數開幕式，當然還包括擊缶者手持的棒及按壓力作燈光開關的缶面，以上種種都為大家展現出LED不同的面貌，導演努力地發掘LED的多樣性，至使傳統的表現方式有著不同的效果，亦令古老的表演有了一層新的包裝。

天與地的表現（下）

圖片來源：中體在線圖庫
相比國籃的備受加許，國足隊的表現實在令人氣憤，我只能用「不學無術」來形容這班代表國家的奧運足球隊。雖然咁唔好彩佢哋同國籃一樣同被編在死亡之組，同樣要面對世界足球的頂級隊伍，大家亦清楚知道如果唔係今次奧運係主場舉辦，免了大家打外圍的資格賽，可能國足與國籃都無緣亮相奧運周，這種情況下，國籃把握了向民眾表現自己的機會，在僅有的場數中盡力演出，打出風格打出水準，但國足隊則選了另一種方式回報國家的栽培。眾所周知國家為了是次奧運花盡人力物力，準備經年。除了籌備舉辦之外對於運動員的培訓一直都是國家建設的重點工程之一，有報道指國家為了培訓國足隊，過去數年已花費了超過一千萬美元，包括大牌教練的費用，協官員各種的出差、考察等費用，出外十多個國家的集訓、友誼賽的開支及獎金等。當然巴西隊中的一位球星的轉會費亦不止這個數目，但培訓的開支並不是要球員學習在比賽中侵犯對手、粗暴的攔截、野蠻地比賽。經過過去數年出外集訓及比賽中發生的不愉快事件，國足隊似乎仍未汲取教訓，少爺兵脾氣未減之餘，足球技術與體能上同樣沒有進步，反而唔夠人打發爛渣嘅技術就進步唔少，搞到最後面對巴西強隊一場戰役，竟然因隊員黃紅牌太多而隊不成隊，大部分主力球員都因為要坐波監而被罰停賽，就算送埋個世界最頂尖教練俾你，都唔可能幫到你殺入四強。電視評述員在賽前亦清楚指出，輸波乃必然結果，只要大家能打出應有的水平，認真面對賽事做好自己，結果如何大家都必會體諒技不如人，觀眾並不希望見到輸了技術亦輸埋品格的冇品賽事。

天與地的表現（上）

圖片來源：中體在線圖庫
過了兩星期的奧運月，雖然執筆之時仍未完全結束，但都需要開始賽後報告及檢討。執筆之時中國金牌榜仍然是四十六枚，相信奧運結束時應該可以到五十面，但已經有媒體開始買單計數，講緊大家點計獎牌榜。有人計金牌多少，有人計獎牌合計數量，不過都冇乜所謂，最緊要是大家個成績都有所進步，咁先至係體驗奧運精神，人類可以更高更強。不過呢個更高更強，我認為唔係指體能或技術，應該是指精神面貌至真。可能大家都會把注意力集中於金牌數字、劉翔退出、跳水隊或者乒乓球隊成功將比賽項目變為國家表演示範項目。但我就比較關心國家代表的精神面貌有冇進步到。最值得欣賞嘅係國家男子籃球隊嘅表現，大家可能會話男子籃球隊連四強都入唔到，點解值得欣賞？但大家唔好唔記得，國籃抽籤進入了死亡之組，第一場對手就係全球籃壇最高身價嘅花旗夢幻八隊，輸就預咗，就算國隊中都不乏NBA參戰的明星球員，不過都唔代表與對手有著同一水平，但係國隊在明知雙方實力有一段差距的情況下，仍然堅持打出自己的水平，在一致睇淡的情況下把雙方差距縮短至三十一分完場。切切實實地發揮自己的水平，而部分起帶頭作用的名將更成功引領隊中小將，面對強敵毫不懼怕，甚至打出超水準的表現，雖然結果都是不敵超級強隊，但精神不敗才是體育運動的最終目標，重重地掌擱了一班只顧計算金牌榮耀的官僚，在外國元首面前打了一場爭氣波，就算敗陣亦沒有令人感到放軟手腳，真正使到了雖敗猶榮，獲得國民一致讚許。

佢哋先至喺奧運（下）

圖片來源：路透社
等足四年先一次，國人仲等成百年辦奧運，奧運已經開始咗段時間，金牌榜數字每日廿四小時從不同媒界向大家報告，足見國人對金牌數字的關注程度。我哋當然為取得佳績的運動員喝采，因為唔只我哋等咗四年，佢哋都一樣，部分仲唔只等四年咁少，因為每屆運動員都有不同的水平，運動員之間亦有不同的成長速度差，各國每屆只會派當時狀態最佳之運動員出席奧運，所以有部分運動員要等八年甚至更長時間，才有機會參加奧運會。在這幾天的奧運直播中，大家都在關注自己國家代表能取得多少金牌，事實上每場賽事中都有勝方及負方，當中又有個人及團體的對賽，但係電視直播就只集中在有國家隊參加的項目，這樣都可以理解，因為電視台都係商業機構，收視唔高就當然唔會播，不過咁樣就直接令受歡迎的運動項目同較冷門的項目產生惡性循環，多人玩就更受觀迎，少人玩就更少人玩，直至最後這個項目消失為止，就如即將成為歷史的棒球項目一樣，到今天我哋仲未能夠在電視上看到直播。不過項目的消失都唔及在比賽過程中一直未被播出的運動員黯然，因為佢哋同「被分類的麵包」一樣，都係被電視台分咗類，就係冇收視保證，不過唔同級數唔等於觀眾唔想睇佢哋嘅演出，但係電視台同你揀咗唔俾你睇，所以要睇冷門項目或者二三線運動員嘅演出，或者支持該項運動、為參與者作打氣表示支持等，就只有親身到現場睇至得，不過試想下，如果冇現場觀眾到場觀看，又邊度會舉辦奧運會呢？所以入場睇比賽嘅觀眾，先至係真正欣賞奧運，唔係電視台。◇　

為志在參與喝采（上）

圖片來源：和訊博客

全球熱烈討論的「京奧運」開幕禮，各地好評如潮，大部分媒體都集中討論張大導主理的開幕表演，能簡單向世界展示國家的五千年文明與國人的精神面貌，評論一致讚賞。但是只要看整個開幕禮時間上的安排就可知道，真正的主角其實是運動員的進場。文藝表演只佔整個開幕禮四小時中的一個小時，全球各國運動員進場就花了兩個多小時，表示這個儀式才是整個開幕禮的重心。自從奧運五環在花旗國一屆貼金，變成全球最賺錢的活動之後，近幾屆的奧運開幕禮上，各國不斷研究新奇的點火儀式，又把這個儀式定為國家級機密，才把世人的目光轉移到文藝表演這一幕上，文藝表演的真正意義只不過是歡迎各國運動員來到本國參與運動競技而已。在兩個多小時的運動員進場的時段，我們可以看到一些平時聽都未聽過的國家名字，例如歐洲最小的國家列茲敦士登、巴拿馬及太平洋上一些不知明的島國，當中增加了不少由從前的大國分拆獨立的，正式成為現代國家的小國，都讓我們得知世上有這樣一個地方。從電視直播當中，鄰埠弱台的直播最值得令人讚賞，每當一個國家運動員進場時，該台都會在熒幕下方清楚的打出相關國家如地理位置、面積、首都名稱及人口等資料，再配合直播畫面中運動員所持的國旗及樣貌，讓觀眾對自己並不熟悉的國家有一個較為概括的印象。期間更有部分國家根本沒有派運動員參與任何賽事，持旗手及進場者都是官員或國家代表，這些志在參與的精神都能令我們在現今全球一體化之下，有另一層更深解讀。遺憾的是，到今天我們仍然未能從奧運開幕禮上看到小城的代表及旗幟。

京城大蘇．提防真空（下）

圖片來源：唐永明

鄰埠日日被人問保安級數有冇提升，負責人每日都要解釋一次一直維持中度。 唔通保安級數有六級之分都話埋俾你知咩？呢個只不過喺比喻，唔喺真有六級之分，只喺傳媒水平不足問埋晒一堆冇內容嘅問題，個官答你都喺傻嘅。今次祖國舉辨「京奧運」動員的警力，直頭破晒世界紀錄。單看鄰埠只舉辦馬術比賽都出成四千警力，就算官方沒有正式公佈，據報京城出動的總人數超過十萬人。不過任何有經驗嘅管理人都知道，危機通常就喺以為最安全嘅時間出現。等於今次恐佈襲擊發生喺新疆一樣，人力物力的調動全部集中晒京城，最有經驗嘅保安人員全到京城支援奧運的情況下，其他省市自然容易出現保安真空，可以講唔單止有恐怖活動，其他罪案都有可能出現上升嘅勢頭，地點當然唔會喺奧運舉辦城市，梗喺一Ｄ大家都以為唔會出事嘅地方啦。

事實上危險周不時都有，就算有幾多警力，都未必可以保障倒個人安全，大部份都只能喺靠自己「執生」。不過十分唔好彩，執筆當日京城竟然發生國人於鼓樓襲擊外國遊客造成傷亡事件，事件原因當然有待當局調查，但喺就令外界更關注國人如何處理與外界的分岐，同時對北京是否歡迎你有更多疑惑。因為若果真喺有組織嘅恐怖襲擊，就如同英國倫敦所發生的恐怖襲擊者，事實上都是國內的本土人，同時大多都屬祖會低層，真正的保安盲點就是這裡，當局必須更加關注這批社會上被乏視的一群才是高明之保安策略

京城大騷．提防真空（上）

圖片來源：多維新聞網
全球盛事「北京奧運」正式舉行，祖國銳意打造成「世紀盛事」節目，致力把國人面貌及現代化的改造成績表向世人展示。可惜由火炬傳送一刻開始，「北京奧運」一直事件多多，最差的竟然被外國的二流政客利用炒作提高自己的知名度、又或者轉移視線挽救自己的插水民望。但是國人最擔心的安保問題，更甚於京城奇異建築的體育場館群，因為由年頭開始的西藏動亂以至各地零碎的事件一直擾攘著，動機直指破壞「北京奧運」，直至最近在新疆受到恐佈襲擊中造成十六名武警死亡，已經單由群眾動亂推進到恐怖襲擊，亦代表著保安的警戒正不斷升級。
　舉辦「北京奧運」如此大型的國際活動，安保的工作當然十分重要，自從早年京城撲殺流浪狗的管制開始，一切有機會影響「北京奧運」舉行的人與物，都被當局強硬取締。事實上京城以至協辦城市，都傾盡人力物力意圖降低國內與國際的落差，以確保「北京奧運」能夠又順利、又夠體面、最好贏埋金牌榜首位，咁樣就係國家最美滿嘅大騷效果。而新疆今次受到的恐佈襲擊，正正就是要打破主辦當局所構造的美好願景，企圖製造不穩定因素以挑戰權威。以中國這樣的一個大國內部當然存在不少問題，亦是各地不同意見人士不時作出批評的要點。然而國內雖然不斷改變政策以配合世界普遍的要求，唯獨近年民族主義抬頭，就算政策如何改變，都唔可能迎合晒所有人嘅需要，唔通真係要割地賠款當自己係侵略者？所以有報導指有組織明言將襲擊「北京奧運」的時候，保安當局自然順勢將警戒級別提高至最高級，而其他地方的保安就十容易出現真空情況。