「富蘭克林」的咒詛（下）

圖片來源：經濟日報掌管金融血脈的一眾財經界人士，在花旗國的借貸生活模式下，越發利慾熏心走火入魔， 而著名的金融城市｜｜鄰埠更出現「負債越多越代表閣下信譽良好」的金句。 在花旗國則自恃世界經濟龍頭，金融界把原本良好的金融工具改頭換面，花巧包裝下加入大量賭博成分，利用強大的銀行網絡吸引對投資一無所知的平民百姓，把所有儲蓄投入到風險投資項目上，直接把大部分謹慎理財的無辜市民拖進賭局中，亦把原本作為推動經濟集資的股票市場作為世界最大賭注的輪盤遊戲。原因十分簡單，因為股市受經濟週期的循環而起跌，投資損失時委託人會對受託者進行強烈批評甚至直接轉換對象，基金經理就成為高壓階級，成王敗寇的遊戲每天上演，最後高壓階級自然成為豪賭之徒，在有限的職位生命中越博越大，皆因在每次交易從中獲利的基金經理每每享受著過千萬美元年薪，出市代表又從每次交易中獲取豐厚的交易費用，而且交易越大收費越高。原本作為「市民掌櫃」的一眾零售銀行，眼見投資銀行的風光日子吸走不少客戶及內部精英，反而在擁有最平現金的自己要辛苦經營一分一毫，結果連零售銀行都借著出售經過包裝的「進取基金」或微型債券，不斷壯大個人理財部門的規模，這點何止花旗國如是，世界各地甚至連小城都吹著這種風氣，君不見小城的傳統銀行都紛紛變身，把原有的出納櫃位大幅減少，改變為有著舒服個人空間的個人理財專區，不管出納櫃的長龍有多長，閣下都可舒舒服服地到有專人服務的個人理財櫃檯，同客戶服務人員吹水都得，佢哋係唔會幫櫃位解決排隊出糧的人龍，結果零售銀行代替了投資銀行，「市民掌櫃」成為大眾的劊子手，最終連花旗製造的高利貸都要世界人民找上一份數。「富蘭克林」成為全世界的咒詛

「富蘭克林」的咒詛（上）

圖片來源：維基百科曾幾何時，花旗國因靠上世紀的工業革命而橫掃全球，經濟從「大蕭條」谷底出走後一路拾級而上，經歷二次大戰後的花旗國逐漸被神話化。而因應強大的經濟力量，花旗國貨幣上的「富蘭克林」更變得可令「鬼推磨」般世界通行。從前的商品貿易一般都是以貨易貨或黃金、白銀等作交易，何解「富蘭克林」能代替黃金白銀這些傳統的貴金屬？全因花旗國當年的東征西伐，依仗當年強大的國力及軍事強勢，迅速控制世界各地的主要商貿通道，亦建立了花旗國這個世上最大的消費市場，新興工業生產國紛紛以接到花旗訂單，作為生產規模的指標，而商人們在貨物交易上亦不得不選用美元以作共同應許的交易貨幣，當中的信心全因花旗國的強勁經濟力量，才可令「富蘭克林」取代黃金白銀變成財富的象徵。只是，這個由前人努力打造成的魔幻法術，改變了辛勤工作、腳踏實地努力發展的傳統思想，加上經濟力量下的驕傲及財大氣粗，慢慢地把新一代打造成不事生產、洗腳唔抹腳的「二世祖」。原本花旗人民大部份都有著不懈的創造力，富有開拓精神，同時為世界提供不同願景，吸引世界各地人們追求花旗國的美麗圖畫。可惜這個強勁經濟在不斷創新及開拓之下，各行各業都開始盲目追求利潤，追求成本效益不斷把工序外移，而全民逐步脫離厭惡性的製造業為生，轉型以金融服務業這種非實業的行業為生，而花旗國的國民生產力又從何而來的？自己冇生產但係又要有增長，咁就梗係唯有靠借，國民向銀行借、銀行向政府借，最後連政府都向全世界借，結果這個「強勁經濟」最後成為「富蘭克林」的咒詛。

共產資本主義（下）

回顧今次花旗與祖國出現兩個問題處理手法，花旗國選用掟錢入金融機構化解危機，祖國就掟人去牧場睇實生產以保過程安全，但喺兩個政策都沒有將出事的企業禁止運作，反而指令其變回一般控股銀行，即喺同鄰埠D酒樓唔出糧比班伙記玩執粒之後，改個名又開過另一間冇分別，都喺玩移形換影至在呃錢！至於祖國就只識得炒企業責任魷魚，外加負官員落台，國家醫療體系幫手執爛攤，最後又要勞動溫總向全國人民道歉。 毒牛奶同雷曼爆煲的共通點都是，兩個人為製造出來的危機都要由庶民大眾附出代價，同樣地問題老早就出現，犯行者以外的知情者十分之多，只不過大家都覺得應該唔會出事嘅，又或者喺出咗事都唔關我事，我唔會飲呢D奶，唔會買呢D債券，只要唔喺我出事就一概當睇唔倒，根本整個經濟架構都充斥著為提高利潤不擇手段的思維，完全致企業形象、品質聲譽等現代商業最重要的因素於不顧，盲目追求利潤至殺雞取卵地步。而出咗事之後唔單止喺企業形象破產，更要國家信譽陪葬。外國投資都對花旗出動七千億救市憂心忡忡，直指投入資金過大會影響未來幾年花旗的經濟增長，直接打擊花旗貨幣的價值。而毒奶事件更令全球震驚，各國紛紛提出禁止祖國奶類食品進口，部分國家更出現禁止全部祖國生產之食品進口，雖然可以說是過度反應，但喺當信心破產之後就算唔禁止入口，各國市民都唔會再有信心購買，亦都唔會有進口商肯夠膽入貨。至此，兩國除了要找出更佳辦法對事件作出善後之外，更重要的是嚴懲商界集體對市民的蒙騙，扭轉這種瘋狂窄取利潤商界生態，真正保障小市民。

共產資本主義（上）

一個顛覆全世界經濟概念的新模式，出現在當今的世界上，叫做「共產資本主義」！花旗老闆開晒口向國會施壓：如果唔盡快批准七千億挽救金融機構計劃，唔止花旗國，連全球經濟都會被拖垮。大家可能會問：「咿！咪等同我地祖國所謂有特色嘅社會主義？國內一早用緊呢招啦！有乜唔妥阿公自然會出手相救，最多都喺一兩個官員下台，呢樣野已經唔喺新聞啦！」。答案當然喺另一回事，唔係邊會有呢編文呢？講緊嘅當然係現今花旗官府出招救市政策的幾個特點。我地由細到大，喺小城都係靠自己努力發奮，爭取倒今日所得。即喺話大部分小城庶民辛苦抗拒賭場之引誘，努力耕耘改善生活才能得到今天的成果。但喺花旗國動用花旗庶民的金錢，去挽救一批在全世界搏奕最大的股票市場中的企業，令這個號稱世界最自由的國家及市場之信譽即時破產。而國內環境同花旗國又不盡相同，國內要交稅之人口比例遠遠不及花旗國，甚至連經濟規模都有一段距離，所以就咁直接將國內情況同花旗國相比喺十分危險。花旗國出招仲有一個最大問題喺限制沽空，即喺話你冇貨就唔下以用沽空手段壓低股價，結果個市梗喺有升冇跌啦！呢種人為造市一直都喺被視作犯法行為，如今政府直接利用行政手段改變遊戲規則，究竟對投資者公唔公平呢？既然一間公司出現問題，要官府出手利用大家繳納的稅款去作救濟，就算牽連著公眾之本金保護，亦唔算喺公平嘅做法，何況山手挽救問題金融機構，只會縱容該機構繼續使用過去沿用的不良手段，對於問題的改善根本就沒有幫助。

三聚氰胺與雷曼兄弟（下）

花旗國最大私人投資銀行雷曼兄弟投資銀行宣佈申請破產保護令，正式結束一百五十年的歷史、一個賣牛兒子兄弟所創的銀行界神話。按照官方解釋雷曼兄弟資本不足繼續營運，又冇人肯作擔保買盤所以申請破產。以上都係官方公佈，根本信唔過。因為問題並唔單止發生喺雷曼兄弟身上，而在花旗國上下、以至全球金融界都相信花旗神話唔會破滅。結果花旗自己出事之後就拖垮世界其他國家嘅金融機構甚至國家經濟，同三聚氰胺嘅影響一樣咁大。點解咁講？兩個都係國家級企業，代表著全國的領導地位，一舉一動經常都備受關注，即係話，此等企業一般都與政府及相關監管機構有著密切往來，而且都在股票市場佔有絕對指標性作用，有著牽一髮動全身的存在性。既然受到嚴密監察的機構都發生重大事故或問題，咁監管當局究竟喺度做緊乜呢？
　簡單分析，根本雷曼兄弟同三鹿奶粉事件一樣，存在的問題早就有人發現，例如加料奶粉零五年就有管理層知道，而管理層冇理到任由中間商人繼續加料，其他生產商之原材料提供者發現咁都冇問題，自然有樣學樣所有品牌都有被加入三聚氰胺這種化學品，發展下去自然越加越多，根本就唔會理有乜影響同影響幾大，直到最後出現大問題，各階層不斷推卸責任，結果就出現信心危機同骨牌效應，使全民信心盡失。投資銀行一樣以商業利益為依歸，把原本應該只負責協助客戶投資的規條放在一邊，單單追求自身企業增長的目標，盲目追求利潤，把客戶的資金當作自己的錢一般投資股票債市，加上花旗推薦的過度消費，環環相扣之下令到全球金融界都被拖入一個萬劫不復之地。

三聚青胺與雷曼兄弟（上）

「神七」即將升空，可惜我國的下一代就無可避免地要落地獄，因為大家都食錯奶粉信錯品牌，搞到連嬰兒都生腎結石。繼大頭嬰兒奶粉事件之後，國內揭發不法商人於奶粉中加入三聚青胺以蒙混蛋白質檢測。事件唔止未能平息而且仲越鬧越大，質監局初步調查之後，全國有二十六個品牌都發現含有不同程度嘅三聚青胺，範圍仲唔單止係奶粉，連雪條、牛奶甚至咖啡等奶類製品都出事，信心根本唔能夠喺短期之內挽回，而影響範圍已經由內地以至小城及鄰埠，最後連非洲中東等地都發現有國內產品出事。而過程中有大大小小嘅專家出面表示會影響健康、致癌等致命危機，不過最觸目驚心的是鄰埠官方報告中，國內各款奶類產品都有加入三聚青胺，簡單講句細路仔食了相關產品都有機會出事，而庶民則在事件未明朗之前所有國內甚至外地輸入的奶類製品都暫停購買。最傷心莫過於國內全體之父母親，由於首先發現出問題的生產商乃全國最大企業，又有國家免檢標籤，基本上有齊國家級保證，咁都會出事，證明就算幾有保障都好易出事，之後國家都保你唔到，令到全國消費者都對國內產品之信心即時崩潰。京城都有母親甚至在鏡頭前表示，為了支持國貨及國企才飲用祖國產品，貪錢的商人竟然以小孩的生命作為利潤來源而痛哭，雖知道國內的一孩政策令大部份家庭都把大部分資源投入到下一代上，而國家亦重點培育下一代的成長，而無良商人就正正掌握這兩個特點，不斷從中榨取利潤，直接令無辜的下一代成為代罪羔羊，等同雷曼兄弟要全世界代它付出代價一樣。

小城將會冇打工仔（下）

圖片來源：東方日報
鄰埠剛剛選完「垃圾會」，商界政黨幾乎全軍盡墨，除左證明商人不被庶民信任之外，重要嘅喺商人仍然以高高在上嘅態度去面對平民百姓，咁又點會有所溝通呢？同樣地小城嘅商人、連商會嘅代表都有著一樣的心態，對於市民要求限制外地僱員輸入的態度以一種挑戰的態度，向市民甚至官府施壓「邊個夠膽講需要幾多工人先至夠」，間接指限制輸入外地僱員沒有科學根據。從來老闆與打工仔都是唇齒相依，邊個都唔可以冇左對方，雙方關係常常都因為經濟變化而互有高低，但一直以來都是老闆作為控制者角色，對手下員工都是以指導甚至發號司令的角色，只是近年小城開放龍頭產業引發轉工潮，而傳統企業尤其是小企都抵不住人資高企的局面紛紛要求官府放寬輸入外僱。只是真正的外僱額大都落入大中型企業手中，一般小企只能取得一個半個人手幫忙，而且當外僱適應小城工作之後，就可以選擇轉去有更高人工及工資更多的大企，結局喺輸入幾多外僱外勞都保唔倒小企之經營困難，最後摺埋收場喺必然嘅事。咁商界代表所指嘅「邊個夠膽講需要幾多工人先至夠」，即喺話入幾多都唔夠咁解，咁其實喺唔喺應該自我檢討下呢？小城商人大部分都有種自悲心態，例如唔夠外資咁多錢、唔夠實力同管理方式就唔夠人爭，大老闆叫商家們走出去結果喺同老闆一齊遊番轉大花園，呢種左驚右驚心態令小城可以與國際接軌之企業近乎零。這種態度令小城企業根本唔會有所改善同上進，在競爭激烈的市場中，商人只懂向官府提出傾斜政策，從來都唔會自省一下如何改善自身營商環境、管理模式、增加競爭力。又或者過去幾百年小城商家一直只不過喺食緊太爺老本，根本都冇用過個腦去經營盤生意，但喺就只懂識得叫官府開放人力市場，咁就不如摺埋好過啦！

小城將會冇打工仔（上）

圖片來源：澳門日報
某商會代表於出席一場合中表示，小城外僱不應設上限，其理據非常簡單，就喺咁依講句“今時今日根本冇人夠膽講小城需要幾多工人，就算喺同一行業，唔同檔次之企業，所需工人數量都唔一樣”。呢位商界代表之理據果然十分利害，冇人講得出需要幾多先至夠，意思即喺入到飽為止。等於同商人講賺錢要賺幾多至叫做夠一樣，錢！邊度有人嫌多？估唔到商會代表可以用「咁高嘅智慧」去支持無限制輸入外勞。 當然啦！按照商界邏輯乜都要多，人手多、客人多、商品服務多、自然就銀紙賺得多，邊度需要限制呢，你限制咪即喺阻我搵更多嘅錢！？如果勞工界都按照同樣邏輯思考，即喺大公司要多、職位多、工種多、福利多、假期多、人工當然喺要多啦！另外該商界代表更指出除非有很好嘅科學根據，否則唔應該設上限或比例去限制。咁唔知上面嘅勞工界邏輯又夠唔夠科學根據呢？若果唔夠科學，咁呢位代表又夠竟有乜野科學根據，要官府唔好限制外僱嘅輸入呢？原本商界推行輸入外勞，本身在界別立場上沒有錯，但喺呢位代表竟然喺外僱突破十萬嘅今日，表示官府唔應該對外僱的引入作出限制，仲表示勞動力數字大唔喺問題。梗喺啦！商界可以唔駛搞咁多員工福利、老闆又可以唔駛改善職場環境、做零售嘅可以連收銀機都唔駛用，幾十個工人一齊收錢，只要人工可以乎合成本就請到夠，同時可以免去防盜設備，搵多幾個人幫手企喺度做「實Q」，得閒又可以捉黎幫下手入膠袋、搬下貨咁，甚至可以幫同事買飯盒都得。咁就梗喺唔成問題啦，仲非常理想添！原來做老闆喺可以咁簡單，咁邊個會去打工？