火爆對話一則：“老闆，請批我公職貸款。”
“做乜無啦啦要問阿公借錢？好唔掂麼？”
“被人撻訂。”
“乜間屋唔係已經做緊裝修咩？”
“人撻我我撻人，所賺差價都未夠找裝修首期，有乜法子唔問阿公借，仲買左部車，可能都要被拖走，遲D仲會遲到都未定。”
“你唔可以用呢樣野做借口，咁會影響你前途，個file花左有排都補唔番。”
“我都唔想，莫非我的借口要用全靠你一句叫停，搞到我換樓換車計劃泡湯，而家兩頭唔到岸乎？”
“停左對你有好處，你可有更多選擇，以閣下之公職紀錄，銀號絕對冇拒絕之理由。”
“老闆你高高在上當然有所不知也，我等合同工並非正式公僕，除與有資格食長糧之身份有好大距離外，分分鐘差過水電工會同業之地位，皆因他們連退休後收小左都可遞信給你，我等孤兒仔不用交信，只要向傳媒講大聲Ｄ，明天亦要執包袱。就算按合約賠償都未夠找現今呢筆裝修費，莫非只靠我們在垃圾會唯一之代表可令我們提升身份食長糧？”
“做得公僕當然要有所犧牲，若以現今市場計你在外都未必能有現在更高之待遇，你仲唔滿足！？”
“言則你在要我步鄰埠之徐生之後塵才會發現問題所在？可以上位的一早埋位，吾等被拒於自己友外之二打六總不能坐以待斃，每週休假都過關入貨以減少支出，差點被誤為水客，若非有人出事要中途換人，你老哥只須五年才評核一次，吾等要每年評核，若非小時被老豆之做落唔錯影響，我都唔會做十多年二打六。”
“你老豆在位時我唔係老闆與我無關，氣候轉變大家都要著多件衫，況且我只做多兩年，你俾我安樂埋尾，接手者應該唔會點待簿你，問阿公借錢係福利之一，批硬！何況回鄉入貨可增加運動，對身體有益！”
“……"
1 則留言:
好blog，繼續努力。
發佈留言