熱爆對話一則：“老闆，我可否取回我的一百萬？”
“放心，你的申請我們會繼續處理，正常情況下你會如期取得身份證。”
“但我已不想再繼續申請下去了，請回水！”
“原因何在？”
“自從你地停止申請，手上單位已即時變了負資產，到取得身份證時，又有三四五六在不停增加供貨量，我等小戶只最多只能買剛好百萬之扮豪宅，現在已快速打回完形，原本想多個證方便出入同時，又有層樓保下值，退休後又可有多一份社會保障。點之變負資產之餘，後繼無人如何托市，屋漏逢夜雨的三四五六簡直同我地舊老闆出八萬五一樣咁毒辣。”
“但係話唔係咁講，你都知你係好好彩搭到尾班車的四千幾分之一，況且你都唔會住係呢度，放租出去補番你都一樣咁著數，唔好講到環境咁差，更何況投資涉及風險梗有升跌，你地都係咁教人啦。”
“唔同你計息，淨係計折舊放租都未能回本，到有機會係度住之時，其重新裝修更等如買過一層，不如到時才入貨，先取回一百萬回鄉追新股賺番筆，淨係計用百萬現錢買孖展認購的倍率， 不出三日都夠在此買個靚車位，你仲要我放係度七年咁耐，單計每年買一次新股乘足七年，賺埋點都夠買兩個百萬單位，你係我你會點做丫？”
“你計到咁盡同去賭場買兩手有何分別！？”
“分別當然大啦，你地大大聲話係投資移民，我現在非常正式咁在此投資，順便移民，各項條件都乎合之時，你地隨時話唔玩，入賭場似乎比你地更加公平，至少願賭服輸甚至未夠秤都有錢收，總好過閣下輸打贏要，要我們再享受一次比八萬五更八萬五之政策，所以都係請速速回水！”
“……”
沒有留言:
發佈留言