「智慧型犯罪」的誘因（下）

照片來源「通信世界网」
眾所周知，世上沒有完美的保安系統，最先進之科技有一天都會被拋棄，而所有新技術都有其漏洞。小城今回所發生的高科技犯罪只不過是專業範疇內的人員利用其技術漏洞作案，而受害者由以前的服務利用者轉為服務提供者，即從前個人無線電話被鉤線而有所損失，變為今天電訊服務提供者被鉤線而賺少了錢。庶民理應不太關心供應商之所為損失，皆因消費者其實錢照付，通話完畢無特別大問題，最多投訴一下話音質素差而不甚了了。這邊相電訊商亦並非真係跌左唔少錢，而係條線用少左，冇以前賺咁多咁解。是否合理不作個人判論，只想證明市場封閉下專營公司之利潤可以嚇死人。犯罪集團作案期長達三年，而電訊公司聲稱每年損失超過千萬，但過往幾年該公司之業績及盈利都有所上升，根本就不能從每年年報上反映出就盜線而有所損失，咁大家就會問電訊商花了三年先發現賺少左一筆，咁是否內部都有人出錯而今對方三年來都冇王管？定係根本就利潤太高而不察覺這少許損失呢？個人觀感兩者都有關之餘，後者關係至重要。若非專營合約在手所帶來的龐大利潤，如何吸引這類智慧形罪犯不惜押上其專業前途及名譽誠信，挺而走險搵快錢之餘又可挑戰更高專業領域？

庶民每天面對鄰埠公仔箱廣告，慨嘆為何自家的高水準雲吞麵收費只為鄰埠價格的三分之二，低質素的電話通話費竟然貴人家三倍，若果一唔好彩到某些鐵幕國家作漫遊，必定比的士跳錶更驚心動魄，練足一個月急口令都未能以一碗雲吞麵價錢找數。再加上專營合約內的數據服務仍然以每分鐘跳錶，價格走在世界前芧就可反影小城如何現代化。