「黑沙」事件令小城再上國際頭條，為的只是新聞片中官方強調並非防暴隊的「防暴」陣形，任何現代城市人都不會理你是否正式的防暴隊，只要有頭盔、有盾牌就係防暴形象，救唔番。當然羅生門般的事件並非吾等可以理解，但庶民亦十分同情當天執勤所有警務人員，皆因無辜被掌摑之餘，又被演技直逼斯琴高娃的好戲阿婆過兩棟，當住各大媒體成功令警隊做了她個人的臨記，上演一幕紅色娘子軍的革命樣板戲。同場加插各大外地傳媒即場義務參與編劇、場記、助導以至燈光編排，呢場鬧劇勢必獲提名本年度百花、金雞、金馬、甚至奧斯卡最佳劇情片。呢位阿婆當然係個人獨取編、導、演三個大獎啦！淨係睇佢面對數十部攝影機不停環顧，令任何一家電子傳媒都能拍攝清晰影像，繼而臨場發揮英勇就義、慷慨激昂等七情上面之表情交戲，即場贏得河北父老們的大力喝采，直情連新版帝女花都要自愧不如。若果佢上台領獎時唔知會唔會多謝我們保安司，咁慷慨地借出人肉盾牌比佢做「老臨」，先至有小城呢個咁好o既場景比佢有所發揮呢？當然佢必定要多謝我們鄰埠傳媒的大力協助，把明明唔多夠光的地域照到日頭一樣，若果唔係佢就算做得幾好戲都冇人睇得倒。至於最佳男主角當然係面對鏡頭大聲疾呼：“回家後會把此事宣傳出去
，以後亦不會再到小城旅遊。“的四眼先生，呢句咁精竟之對白除左表示佢本人的意願外，亦代表了小城部份如吾等擔心小城會陸沉之異見人仕（當中亦包括譚大炮）。經過此事後小城保安司必需加緊培訓學員之演技，提升戲劇水平，好等學員不用每次都只做“老臨”，不要讓如“秋水”哥般的精英在內部埋沒才能，做番次真正的主角
沒有留言:
發佈留言