圖片來源《東方日報》熱鬧過後，媒體開始冷靜分析但聲明依舊，若再繼續聲明下去就變了外國肥皂劇“越搞越多泡”。皆因此等聲明水平之低劣令我懷疑誰才是暴民，恐嚇又有、指責又有、連擦鞋托腳都有。你估佢地擔心乜野呢？其實佢地都擔心老闆今次被人抄起，年終受恩於老闆不少所以大家急急表示感恩圖報，不惜壓上多年江山之名亦要出聲名似保老闆多年救命之恩。只要冷靜一下，連我都不得不替“大老闆”擔心，原本一單事先張揚的平民嘉年華，雙方早已向傳媒公佈如何行進及路線圖，雖然表面大家一路都傾唔掂數。只係衙門呢次處理手法被庶民以至環球媒體嘈到拆天，暴露衙門內部之管治水平如何，首選敗作當然係五槍。呢五槍威力之大，並非一粒流彈打親庶民般簡單，除了打瓜佢本人的仕途、打亂佢自己老闆之部署、仲打低埋大老闆之民望，最後就係打散埋庶民的和諧社會。衙門原本一早部署好分段擊散遊行人士，以免影響大老闆之兄出殯，可惜五槍出現後，局方負責人向媒介的回應可用死撐形容，態度似爛仔多過似官，究竟有冇人教下佢地點樣面對大眾媒體應有的禮貌及儀態。跟住接踵而來報章刊登的社團聲明似乎真係與地下社團毫無分別，難怪坊間直說這次事件中最大贏家係幾大中文報章，可惜大老闆又不能表態阻止，除了小城有言論自由之外，因為佢地本意要趁老闆呢次似乎出現危急關頭需要出手相助以表忠心。刊登聲明本身當然沒有問題，可惜當每天重覆的幾大版黑體字與粗黑框訃聞般的聲明啟事，庶民真係以為重要人物先遊，本來事件 十分之簡單，可以冇五槍冇聲明及冇唱好唱衰等。就係呢一連串之應對無方及準備不足，令事件不單上國際頭條，更強行撕裂庶民之團結和諧，但係可以肯定這些社團已經放棄了庶民的愛戴。可憐大老闆有排頭痕！
沒有留言:
發佈留言