圖片來源《蘋果日報》事件發生後接近兩週，似乎終於有點明朗，老闆表態衙門不會開槍鎮壓遊行。但庶民相信最後五槍是否有流彈打中市民將會不了了之，等同走資司長事件一樣。肯定本地傳媒唔會報導，庶民想知唯有睇鄰埠報或者等待電子傳媒內的評論報導。既然本地傳媒又唔報，外地媒體又信唔過，庶民如何發掘事件真相呢？答案非常簡單，識“封面男郎”者自然直接問下佢開得過唔過癮，唔識者就問下當日有份推跌阿婆之執勤者有冇被同袍嚇親，定係好唔like佢搶晒大家風頭。如是者庶民都各自抱有各自獨有的事件片段，再互相交換情報而得知所謂事件真相。所以有心知情者，本人推介最好一早走訪各大小茶餐廳，當然早年上茶樓就更佳啦，可惜小城現代化之後茶樓早茶已式微。
過去一週經歷兩極化傳媒的吸收後，大家都在茶餐廳交換各自獨有的所謂內幕消息，而角度正好印證小城分化之局面。有人誓言就算有親屬被流彈所傷亦支持開槍防止阿婆被踩死，另一邊相則大叫無論如何生命未受威脅下不可能使用真槍實彈。亦有人指開五槍之人早有預備為大家留個記憶，就係為配合“五一”節而五留一， 否則為何偏偏只開五槍唔開到彈盡？定係留番一粒怕真係有人要追殺佢？個人當然視為笑料一則，相信執法者未有這樣兒戲掛？但被坊間市井如此戲言，或多或少反影出庶民對這五槍的不滿。但最獨到的觀點則是本土公仔箱於街頭訪問一位老人家，此長者答曰：“和平時期不可以用槍！”訴盡大部份庶民對「開槍事件」的憂慮。畫面中的長者相信曾經歷日佔時期，因此評語之份量特別重，未知會否令“抽水”有所反省如何面對呢支槍及做好呢份工？？
沒有留言:
發佈留言