捱噃嚟的冠軍

雖則伊拉克在不被看好下取走亞洲盃冠軍，但他們確實驗證了努力與汗水換來榮譽，雖然鄰埠伍生經常說波係圓嘅，但大家都清楚世界上冇不勞而獲，機會亦只會留給有準備的人，只要留意下上屆冠軍日本隊都要打外圍賽，就知道球場比賽唔會有幾多好彩隊伍，同樣地，澳洲最新編入亞洲作賽，被球壇一致評為實力超班有機問鼎冠軍，但大家可能要翻查資料才可發現佢哋輸比伊拉克輸得幾慘，而傳統列強日韓伊朗，雖然沒有在八場賽直接面對伊拉克，但伊拉克四強面對韓國激戰120分鐘，韓國這支兩屆冠軍三屆亞軍的傳統勁旅，一樣敗於講求心理質素的十二碼上。大家可以反思上屆亞軍──我們的國家隊「中國隊」」究竟去咗邊呢？結果係八強不入由馬來西亞直接原機返國。這支少爺兵團自從有人被英超球隊選中收購後，就以為自己入到國家隊或國奧隊已天下無敵，每每在賽事中守身如玉，完全沒有比賽精神全力以赴，出戰過世界盃決賽週就沾沾自喜，不務正業只顧打架險成國恥。

窺視賽果有一十分有趣的發現，亞洲傳統足球大國的經濟都屬區內一等一，足球乃燒銀紙的運動相信很多人會認同。國力不足如何能打做足球強國?但伊拉克這支亞洲冠軍告訴我們，國力強盛並不等如國民強盛，在講求合作與意志的團隊精神上，弱勢國家可憑意志的一道氣，打敗世界電子大國之一的韓國，頒獎禮上的三星集團負責人在頒給伊拉克的最佳球員時的表情可謂十分精彩。而祖國的少爺兵團更不用說，三流技術就當自己係傳統勁旅，大家自我沉醉在大國的美夢上其實有排都未掘起，他們忘記了前人為祖國榮譽作出貢獻時，都係資源缺乏下捱出第一個世界冠軍。