連教車師傅都驚

官府鐵定准許自動波考四個轆之後，引發連教車師傅都擔心將來新進之駕駛者及車輛數目會更加爆滿，令小城路面車輛數量及安全壓力更大。勿論教車師傅會否因為操控太易而令學車時鐘減少影響收入，但最直接簡單之道理就是門檻越低越多車行。但不管如何道路網的增長遠追不上持牌者或購車人士的增長，雖然官府急急搵人出面解畫，但面對剛開始營運之亞洲巨無霸“威城”，正成為小城最大的僱主，每天從小城至威城通勤上班的人不計其數，當中更大多數為新卒學子，只要簡單推算一群職業收入不錯，而上下班的距離亦不算短的人士，以上已有足夠理由叫他們買車代步，好方便遊走兩個大島。而自動波當然又係最易學易考的駕駛執照之一，如此簡單道理冇理由官府唔知，但係都係知縣個句“唔會阻庶民買車夢”，一早講明唔會管制車輛增長，呢個政策睇怕要等下屆知縣上任才有機會改變。但駕駛老手或對小城交通有多少認識者都可以預期，金光大道將出現更多交通意外， 因為威城的7/24更令意外不分時段。附近相繼動工的其他大型工地每天仍然大量的重型工程車輛不停進出，一班自動波初心者不單唔知點應對，更重要係佢地好容易影響其他駕駛者之安全，因為“威城”附近的高級學府亦有不少學子及教授會上下班，再加上鄰近國際機場及學車教場，當連串的錯誤全都放在一起的時候，昔日名為連貫公路之地將集合全城各類型車輛，連一眾駕車老手都認為該路段為最新之英雄塚，以往於巨蛋停車場練集“飄移”之發燒友經過此地都要小心奕奕，在此順帶提醒各位正常之駕駛人士路經此地務必小心謹慎。