祖國支持的反省（下）

既然係咁小城又如何能稱作旅遊城市呢？有一次吾等試過被日籍遊客問到：“呢度唔係用廣東話o既咩？”，我都唔知話唔話佢地聽：你地已經out左好耐， 大家都係用國語溝通，而家小城只係服待國內同胞，我都冇啖好食。我o地當然唔會睇唔起國內同胞啦！因為如果得罪左佢地，容乜易佢地使用有毒飼料養或農藥，跟住利用過界司機運入小城，然後搵外勞黑工煮比在幫襯之小城庶民食。又或者用更快手段，把柴米油鹽全部唔交貨比小城，或者係加價或者加稅，跟住加咸東江水睇你夠膽睇少祖國人民丫拿！？簡單一句我地電廠唔夠供應本地，小城自己另外搵地方供電比你啦，庶民們要點做？官府要點做？以上只是例子一則，唔好當真，但係小城庶民都係時候認真反省一下同國內同胞的關係了，包括官府與商人。不要再希望祖國能無限量支持小城所有事情，祖國就算幅原再廣大，資源再充實，都不可能從黑龍江引水供電至小城。短短數年的經濟增長不足以讓大家以為可以胡亂揮霍，享受狂妄的瞬間。自從經濟發展已不斷消耗小城僅有的天然資源，小城本身就沒有所謂地緣優勢，進出貨物等商貿領域早被鄰埠及國內大城市所取代，只不過祖國在支持小城發展下，容許小城利用一個全國所不容的字花業來謀生，才會有今天旅客踩沉小城的局面。今天缺麵粉，明天會缺食油，由糧油副產至食物原料範圍，庶民每天都在祖國的支持下生活，庶民們唯有期待祖國不會把以上範疇以市場主導方式來改革，否則大家都要每日過回我們祖先般的漁村生活，唔好諗住仲有LV或者係過年海外遊，去上川島就有份，大家同祖國漁民爭魚獲吧！