祖國支持的反省（上）

小城制左十日麵粉荒，大小商號日日叫苦連天，麵包店冇方包賣、生麵店唔夠麵粉要減產，連帶酒樓酒家都要因應供應量減少改用現成品而失去招牌味。連鎖反應下漲價、改變生活習慣等都是都市人必須學習的求生過程。自從咸潮每年入侵，近年小城的經濟增長等利好因素即時被抵消，但庶民所失去的又不只是經濟增長咁簡單，買唔起樓、食物質量冇保障、交通擠塞、空氣污染、城市廢物等數到等二朝都未數完，官府似乎至今仍未有良方妙藥挽救小城面對危機。官府一方面支持大興土木的政策去不斷刺激經濟，另一方面繼續容忍車輛增長、盲目追求旅客增長數字、縱容大企業無止境消耗小城有限的資源。車輛增長不設限、發財車多過巴士、酒店各房不斷增加、旅客與小偷一同無限制地引入、再突然增加短期一次性輸入外勞，把小城資源一次過用到極限，可是官府決策結果要庶民付出代價。工資追不上樓價、改為賣車又冇位泊、最慘係食都冇得食。庶民今天認真地體驗到中央的大力支持，小城經濟不景，中央立即強忍內部走資貪官；支持開放自由行，不斷排放廢氣的小城，又容許小城購買排放額而自行想辦法處理排放，試圖幫助小城在國際祖會有較體面的形象，可是當外地旅客到此一遊之後，立刻清楚小城並非理想的旅遊點。到富麗堂皇的“字花檔”，完全感受不到小城的獨風味，而收費則是拉斯維加期式。轉戰文化遊去睇世遺，則只有“遺”與“憾”兩個字，企遠D又睇唔倒，埋又迫唔到埋去，拎起部相機只見數百人頭在鏡內，連到此一遊照最後都只能用電腦效果素描名信片後加番自己個人頭上去。大家都應該感受到祖國如何支持小城！