寶島選戰有感

圖片來源：HiNet新聞網Ｏ八年全球大選年，先有袋鼠國、大馬及祖國，後有寶島及花旗國。全年媒體都可謂生意滔滔，唔憂冇新聞報道。剛過去的寶島「總統」選戰，多得小城特有的多頻道公天服務，安坐屋企就可以睇晒兩岸四地不同政見的媒體如何報道選戰，歐美大台當然不可或缺，若有購買增值服務者，就連利益關係國日本媒體的報道都可以知道一清二楚，咁特別口既小城公天服務相信都係世界獨有。不過話時話最重要都係因為寶島大選花樣百出，有本事令世界其他國家嘆為觀止，方可吸引世界傳媒聚焦，如果唔係都唔會令到鄰埠四台聯播及派出龐大採訪隊駐守當地，為散遍祖國各地的台胞及台商報道實況。
　塵埃落定後政黨輪替似乎是民主社會的必然定律，是次選戰除了展示寶島人民接受選舉結果，沒有造成社會動亂而令人感到安慰外，更重要是散居在海外及內地的民眾、商家等，紛紛千里迢迢、海陸空交通用盡趕回所屬地區，為的就是行使公民權利，表達自己對領道人的意向。我們在家中隔岸觀火，百般感受地看著這次選戰究竟會否有突發事件發生的同時，那些遍佈內地不同地方的台商，利用僅有的一天兩天時間，拋下生意或工廠的管理趕回鄉下投票，然後又馬不停蹄極速跑回祖國的公司去。由於寶島不是一個正式的國家，沒有海外的領事館等代表處可方便海外公民投票，此舉更令我們覺得這些回鄉投票人士的一票份量更重，不過就算投票者是由月球返回祖家，其所投的一票卻與票站隔籬士多老闆無異，這也就是民主制度最精彩之處，不管閣下智商多少銀紙多少，到最後都係少數服從多數的遊戲規則。