公僕養唔熟？（上）

圖片來源：TDM美猴王於公開場合表示小城公僕起薪點低難以高薪養廉。做得小城大管工當然有其道理。公僕薪俸除了以點數計算外，每每以其入職職程作起薪點計算。當中又計你有乜學歷同埋考乜野位。咁複雜之計算方式一般外人及廣大公僕低層根本唔能夠理解。但要以商業角度評審一個人的個人價值，最簡單者莫過於以表現與薪酬掛--這個商業界經常使用之人資管理方式。而如何測定表現之高低好壞，各商企自有自家的一套模式，至少商業模式亦不盡相同。但大家都有一個共過點，就是權力與責任等於表現，再除以薪酬就等於此人的供獻價值，扣除股東應有獲利才可計算佢有冇花紅分。好以好複雜其實好簡單，賺多左就睇下老闆有冇良心，點樣同你計股東應有獲利呢條數。

但現今的管理模式，已進展到白紙黑字比埋方程式你自己計你的應獲收益。不似小城衙門般只有統一每點加薪多少，各級內部自行提升部門主管，又唔會降級、最多只會調職，更加唔會炒人，咁梗係唔可能高薪養廉，你都比唔落高薪比佢啦！但問題係一部份有能力，有經驗有權力之官員，於現今小城火紅經濟下如何能抵抗誘惑呢？相信大家都估倒，他們根本不會抵抗誘惑，直接就轉職去更高薪之地方搵其快錢，同初中生去派牌完全沒有分別，大家只要留意下公僕之流失率就知。其實問題在於小城位處發展初階，多年來改善生活乏力的大眾一下子提升生活質素的同時，未能同步之官府人員眼見原為金飯碗之職位已不及新進之初中生，要令他們抵抗誘惑除了加人工外，更重要是教育他們何謂市民公僕而唔係鐵飯碗。