官府宣佈七月派支票，唔少人都趕回來認做「澳門人」，除了迫爆身份證明局之外，仲做到班公僕死下死下。同時亦帶動了周邊的曬相舖、影印舖的生意。同時選擇以派支票的方式向全民派錢，一時間有萬幾人向身份證明局更新自己的地址，當然為驚支票寄失啦。不過最估唔到的是，近日打鐵舖都有唔少生意，就為重新整好大門口的信箱，驚寄來屋企的支票會被人偷走。眾所周知小城大部份住宅都係五層唐樓而且樓齡唔細，大部份大廈閘門都日久失修，而各戶信箱一般都設置於大廈閘門上，容易被不法之徒偷取信箱內的信件及物品，再加上從前葡文地址與中文地址的差別，經常都有信件派到樓上樓下的情況，大家為免收唔到錢，又或者為信唔過現今大部分經驗不足的郵差小子，都走去修整自己大廈的大門或信箱的座號，令打鐵裝修公司多出唔少生意。最新的市場價格已經去到成萬銀一道不鏽鋼鐵閘，唔想收唔到又或者有心順便更換鐵閘人士就要快手啦！再過一排可能仲會加多幾次價都未定。
你可能會問支票要持票人去銀行入數才可兌現，就算被人偷去，大可向官府重新申請，亦唔怕被人取走應該屬於自己嘅支票。不過大家唔好唔記得，小城同名同姓嘅多的是，以往亦發生過被同名同姓嘅人賣了自己層樓事件，到而家連法院都冇辦法解決，即係話法律都未必保障到你一定收到呢筆款項，咁你信唔信有人可以取走你的五千銀呢？
沒有留言:
發佈留言