全城白老鼠（上）

圖片來源：工聯

還有一個月左右，就係祖國舉辦奧運的大日子，各大社團、機構甚至政府機關，已經密鑼緊鼓籌辦活動，以迎接這個舉國歡騰的日子。不過到了明年，就是小城回歸十週年紀念，證明了小城庶民當家作主已經差不多夠十年，亦都是差不多現屆政府買單計數的時候。回顧過去八年多，小城庶民生活似乎冇改變好大，有錢的繼續有錢，冇錢的愈來愈冇錢，但是示威遊行就逐年遞增，還發生了開槍事件。今日唔係咁快就做十年回歸回顧集，不過有個集體感覺，令人覺得自己做了差唔多成十年的白老鼠。
　一回歸第二年就發生了第一次示威遊行，搞到庶民第一次認識小城原來都有水炮車呢種設備。之後就天災不斷，又禽流感又沙士，沉了成年之後，就開始官府開放賭業政策，又正式將賭業定為小城之「龍頭產業」──即主打菜，要優先發展。然後就帶出小城的光輝四年，建築業、服務業等高峰黃金時期，使小城發生有工冇人做現象，又令小城人口暴增三分之一（多成十萬外勞）。再然後就形成小城瀕臨絕跡的製造業步向滅亡。但係估佢唔到官府到今時今日仲係講緊由頭「龍頭產業」帶動周邊產業，以達致產業多元化的政策口號。不過，產業多元化呢個宏願未達成之前，「龍頭產業」已經出事。庶民最關心最緊張的庶民專用職位，都因「龍頭產業」之內部調整而成為下崗工人。有評論認為警號已到，趕緊提醒庶民自我增值，提昇競爭能力。亦有學者視賭場的大量炒人事件為個別事件，而「龍頭產業」則仍然保持上升趨勢。兩種不同言論令到庶民對未來小城經濟的方向一遍模糊。