十一大限再現反彈（下）

除職業司機帶頭反彈外，各界社團亦因應新交通法，到府衙遞信或於推介會上表達意見，但奇怪的是部份代議士竟然亦於公聽會上表達不同意見。聽講閣下都有份投票通過呢份法案，咁而家算係點呢？係你根本冇上堂人投票就你投票？定係連自己都未能掌握所代表的選民民意就投票立法，而家至發現出問題所以急急表達反達聲音？以上兩種都屬於議員失格，有份投佢票的人士請重新考慮下一屆佢應唔應該再出現了。事實上新法於草擬階段早已向庶民公佈，唯在“垃圾會”一般性通過之後到細則性通過之前，當局都未有將大部份條文一次過向公眾交代，到細則性通過後塵埃落定，才舉辦多項大型推介會向各界解釋法案內容，但問題係法案已定，若有任何不滿都已太遲，咁請問當中的咨詢期當局其實做過乜野工作呢？現階段出現的庶民反彈除了當局本身問題之外，庶民都要負上部份責任。庶民幾十年陋習一直要死到臨頭先出聲，大家指責官府一向黑箱作業做事不夠透明，事實上
當局近年被大眾指摘施政，早已學識向外公佈，不過選擇用避重就輕地向外公佈。如果庶民有心取得官府施政，渠道一定有。當然如果要講官府有責任向大眾提供清晰施政方針
，咁對唔住，我們的官府係有排都唔會學識點向外提供政府清晰的施政， 同庶民一樣，呢樣野亦係政府幾十年陋習。政府施政唔清唔楚最大好處就係，唔會好似而家咁一公佈左就被插到唔清唔楚，大家唔會知道邊度發生問題，到時問題發生事就會改為有法唔執，令問題不會擴大。而正正就係官府庶民雙方的不負責任，才造成今日再現強力反彈的局面。