中央大禮（下）

黃金週接近尾聲， 一向以經主導的鄰埠傳媒已開始進行埋單計數，兩埠傳媒相繼拋出各種數字，表示自己地方今次又賺左幾多用作誤導庶民，令佢地以為係自己賺左。事實上鄰埠與小城兩地唇齒相依， 大家都缺乏天然資源，同屬外向型經濟，受著外來因素影響至大。而多年來兩地不斷有人到對方地區搵食，除卻政府儲備及經濟規模，生活模式其實分別不大。只不過鄰埠以其於海外的經濟知名度，一度忘記自己身處於珠江三角洲這個地理位置，當正自己身處歐洲大陸邊沿，無視國家以至鄰近地區的熱情對待，以為自己這個細少地方所得到的經濟成就都是個人努力所致。漠視祖國提供的廉價食品、食水、退休後的優質生活地點。回歸後更貪得無厭，遇到內部經濟不景，向中央作出多多要求，簡單數一數，開放自由行、CEPA九加二、上海退出爭建迪士尼、開放國企上市、本地銀行可直接到內地開設分行、人民金幣交易中心、QDII、最後連奧運馬術都比埋佢地做。呢D就好似一個刁蠻孩子恃住自己大聲慣，受到少少錯折就係街上嘈到拆天向老豆扭計，而老豆為免影響旁人安寧，唯有向其他習慣自力更生的兄弟，取其資源以安撫這個寵壞了的兒子，可惜這個兒子依然利用其父母離異的借口，不時向外宣報唔認老豆又唔比老豆管，自己搞唔掂又迫老豆再送禮。其實全球一體化的情況下邊個都唔駛靠邊個，同檯食飯都各自修行，無需咁睇唔過眼樣樣都要自己第一兼賺到盡，再落去只有被其他兄第甚至外人睇你唔起，當現在老豆仲睇你檯戲之時，切勿有風駛盡里破壞來之不易的家人感情。